Մեկ օրվա ընթացքում Լեռնային Ղարաբաղ է վերադարձել ավելի քան 800 փախստական․ ՌԴ ՊՆ

Ռուսաստանի Դաշնության պաշտպանության նախարարությունը հայտնում է, որ ռուս խաղաղապահների ուղեկցությամբ Հայաստանի Հանրապետության տարածքից Լեռնային Ղարաբաղ է վերադարձել ավելի քան 800 փախստական։

«Ավտոբուսներով Երևանից Ստեփանակերտ է տեղափոխվել 825 մարդ: Ավտոբուսներին ուղեկցել են Ռուսաստանի խաղաղապահ զորակազմը և ռազմական ոստիկանությունը։ Ռուս խաղաղապահները շուրջօրյա դիտարկում են անցկացնում և 23 դիտակետերում վերահսկում հրադադարի ռեժիմի պահպանումը»,- ասվում է պաշտպանության նախարարության հաղորդագրության մեջ:

Ընդհանուր առմամբ, ավելի քան 38300 փախստական արդեն վերադարձել է Լեռնային Ղարաբաղ՝ իրենց մշտական բնակության վայրեր: