Զատուլինը Ալիևի` Հայաստանի վերաբերյալ հայտարարությունները վիրավորական է համարում նաև Ռուսաստանի համար

ՌԴ Պետդումայի ԱՊՀ գործերով կոմիտեի նախագահի տեղակալ Կոնստանտին Զատուլինը Ռուսաստանի Դաշնության համար նույնպես վիրավորական է համարում Ադրբեջանի նախագահ Իլհամ Ալիեւի հայտարարությունները` ուղղված Հայաստանին: Այս մասին Զատուլինը հայտարարել է դեկտեմբերի 11-ին` Երեւան-Մոսկվա տեսակամրջի ընթացքում:

«Զորահանդեսները վիրավորանք են, նվաստացնելու փորձ ոչ միայն Հայաստանին և հայ ժողովրդին, այլև նրա դաշնակից Ռուսաստանին: Ռուսաստանն ու Հայաստանը դաշնակիցներ են: Հետևաբար, այն ամենը, ինչ հնչում էր շքերթի ընթացքում, հատկապես` Ադրբեջանի նախագահի հղումները Հայրենական մեծ պատերազմին, ֆաշիզմի դեմ պայքարը և Լեռնային Ղարաբաղում գործողությունների միջև զուգահեռներ անցկացնելու փորձերը սրբապղծություն են, խաբեություն և արժանի են ամեն տեսակի դատապարտման», - ասել է Զատուլինը: