Քիչ առաջ «Իմ քայլը» կեղծեց քվեարկությունը եւ տապալեց ԱԺ-ում ռազմագերիների հարցով քննարկումը. Մարուքյան

ԱԺ «Իմ քայլը» խմբակցությունը դեռ երեկ գիշերվանից փորձում է տապալել ընդդիմության կողմից պահանջված հրատապ քննարկումը՝ կապված հայ ռազմագերիներին և գերեվարված քաղաքացիական անձանց գերությունից վերադարձնելու խնդրի հետ։ Այս մասին ֆեյսբուքյան իր էջում գրել է ԱԺ «Լուսավոր Հայաստան» խմբակցության ղեկավար Էդմոն Մարուքյանը:

«Քիչ առաջ Իմ քայլը կեղծեց քվեարկությունը...

Կեղծելով քվեարկության արդյունքները, 3 անգամ քվեարկություն կազմակերպելով ու խախտելով «Ազգային ժողովի կանոնակարգ» ՀՀ սահմանադրական օրենքը, քիչ առաջ նրանք որոշեցին ԱԺ նիստն անցկացնել փակ ռեժիմով՝ այն դեպքում, երբ պետք է քվեարկվի մեր կողմից մշակված նախագիծը՝ նշյալ հարցի կապակցությամբ միջազգային հանրությանն ուղղված ուղերձով»,- գրել է Մարուքյանը։

«Լուսավոր Հայաստան» խմբակցության պատգամավոր Անի Սամսոնյանն իր հերթին գրել է, որ «Իմ քայլը» խմբակցությունը տապալեց Ազգային ժողովում ռազմագերիների հարցով քննարկումը և կեղծեց քվեարկությունը: