Ռուսերենը որևէ երկրում պետական լեզու դարձնելը տվյալ երկրի ներքին գործն է. Պեսկովն Արցախում ռուսերենին պետական կարգավիճակ տրամադրելու մասին

ՌԴ նախագահի մամուլի խոսնակ Դմիտրի Պեսկովն անդրադարձել է երեկվանից շրջանառվող տեղեկություններին, ըստ որոնց՝ Արցախում ռուսերենին կտրվի պետական լեզվի կարգավիճակ։ Հիշեցնենք, որ նման տեղեկություն էր տարածել ռուս ռազմական թղթակից Սեմյոն Պեգովը։

«Ռուսերենը կիրառվում է ինչպես Ղարաբաղում, այնպես էլ Հայաստանում, Ադրբեջանում և աշխարհի շատ այլ վայրերում: Դրանով խոսում են այն պատճառով, որ հաղորդակցության համար հարմար լեզու է: Մենք ողջունում ենք դա և համարում, որ ռուսերենի տարածումը մեր խնդիրն է: Սա փաստացի իրավիճակ է, երբ ռուսերենով խոսում են ինչպես Ադրբեջանում, այնպես էլ Հայաստանում: Ռուսերենը որպես պետական լեզու սահմանելը ցանկացած երկրի ներքին գործն է՝ ինչպես Ադրբեջանում, այնպես էլ Հայաստանում»,- ասել է Պեսկովը: