Եվս մեկ հակառուս պաշտոնյա կազատվի աշխատանքից

Yerkir.am-ի հավաստի տեղեկություններով՝ արդեն որոշում կա, որի համաձայն՝ Անվտանգության խորհրդի քարտուղար Արմեն Գրիգորյանը ևս ազատվելու է աշխատանքից: Թե ով կփոխարինի նրան, առայժմ հայտնի չէ:

Հիշեցնենք՝ մամուլում լուրեր շրջանառվեցին, որ Արմեն Գրիգորյանի ծայրահեղ հակառուսական վարքագծի, ինչպես նաև հայտնի արևմտյան, սորոսական գրասենյակների հետ ունեցած սերտ կապերի կամ համագործակցության պատճառով Ռուսաստանը վերջին երկուսուկես տարում կտրուկ հրաժարվել է ՀՀ Անվտանգության խորհրդին տրամադրել գաղտնի տվյալներ պարունակող բոլոր այն փաստաթղթերն ու զեկույցները, որոնք նա տրամադրել էր մինչ այդ:

Իսկ թե ինչ է արժեցել այդ ամենը կամ որքանով են դրանից տուժել հայկական բանակը, ՀՀ և Արցախի անվտանգությունն ու պաշտպանվածությունը, պարզ կդառնա ապագայում: