Սոցցանցերում հայտնաբերվել է 6500 ֆեյք հաշիվ, որոնցով իրականացվել է ապատեղեկատվական արշավ Արցախի հակամարտության վերաբերյալ

Համացանցում հայտնաբերվել է գրեթե 6500 կեղծ հաշիվ, որոնցով հայկական սոցիալական ցանցերում իրականացվել է Ղարաբաղում հակամարտության վերաբերյալ ապատեղեկատվական արշավ. հայտնում է Russia Today–ը։

Այս մասին RT-ին ասել է DataLocator- ում տեղեկատվության մոնիտորինգի, վերլուծության և մշակման նախագծի ղեկավար Էդգար Գրիգորյանը: Ըստ նրա՝ ամեն ինչ սկսվել է հայկական սոցիալական ArmFriend ցանցում: Տարբեր IP հասցեներից նրանք սկսել են զանգվածաբար գրանցել նոր հաշիվներ իբր հայ օգտվողների անուններից և խուճապ սերմանել: Այս աշխատանքներն իրականացվել են հիմնականում Ադրբեջանից, Թուրքիայից և Մեծ Բրիտանիայից:

«Առաջին իսկ օրվանից ներդրվում էր այն միտքը, որ Հայաստանը Ռուսաստանի կարիքը չունի: Որ հայկական բանակն ինքնին ուժեղ է, որ անհրաժեշտ է հրաժարվել Ռուսաստանին տրամադրվող օգնությունից, որ Ռուսաստանն օկուպանտ է: Հիմնական նպատակն էր Ռուսաստանը ներկայացնել որպես բռնակալ»,- ասել է Գրիգորյանը: