Ռուսաստանցիների կարծիքը Արցախում պատերազմի մասին. հարցում

Ռուսաստանը որոշիչ դեր է խաղացել Լեռնային Ղարաբաղի հակամարտության կարգավորման գործընթացում. այս կարծիքին է ռուսաստանցիների 64% -ը՝ ըստ հարցման տվյալների, որը հրապարակել է  Հասարակական կարծիքի համառուսաստանյան կենտրոնը։

Ռազմական գործողությունների դադարեցումը դրական է ընկալվել հարցվածների բացարձակ մեծամասնության կողմից`81%:

72%-ը հետևում է Լեռնային Ղարաբաղի իրադարձություններին. հիմնականում ավագ սերունդն է: 26%-ը ընդհանրապես չի հետաքրքրվում. հիմնականում երիտասարդներ են:

Այլևս պատերազմ չի լինի՝ համոզված է հարցվածների 39% -ը:

Մարտերը կվերսկսվեն, բայց ոչ շուտ՝ կարծում է հարցվածների 31% -ը:

Ռուսների 12%-ը մոտ ապագայում կանխատեսում է հակամարտության սրում։