Պատերազմի վերջին օրը թուրքական էլիտար հատուկ նշանակության «Կոմանդո» ջոկատը փախել է Մարտունիից. WarGonzo

@Wargonzo նախագիծը ձեռք է բերել  լուսանկարներ, որոնք արվել են Արցախի Պաշտպանության բանակի մարտիկների կողմից Մարտունու ճակատում: Հենց այս ուղղությամբ էլ Ադրբեջանի զինված ուժերը սկսել են նահանջել՝ իրենց բոլոր ուժերը տեղափոխելով Շուշիի վրա հարձակման համար:

«Բնականաբար, ադրբեջանական զինուժը կորուստներով է նահանջել: Այսպիսով՝ սպանված սպաներից մեկի մոտ համարակալված մարտական դանակ է հայտնաբերվել՝ պատվիրված թուրքական «ռեյնջերների» էլիտար ստորաբաժանման համար: Այս փաստն անուղղակիորեն ցույց է տալիս, որ Մարտունու մոտ նահանջողների մեջ կային նաև Անկարայի կողմից Արցախ ուղարկված «Կոմանդո»-ի՝ հատուկ նշանակության ջոկատների մարտիկներ:

Այս ֆոնին՝ Էրդողանի կողմից խորհրդարան ներկայացված նախագիծը թուրքական զորքեր Ադրբեջան մտցնելու վերաբերյալ, ոչ այլ ինչ է, եթե ոչ՝ ֆարս: Քանի որ թուրքական զինուժն ի սկզբանե ակտիվ մասնակցություն է ունեցել հակամարտությանը», – գրում է WarGonzo–ն։