Բայդենը մտադիր է ԱՄՆ-ում սահմանել դիմակի կրման համազգային ռեժիմ

ԱՄՆ նախագահի դեմոկրատ թեկնածու Ջո Բայդենը, որը, ըստ նախնական արդյունքների, հաղթել է նախագահական ընտրություններում, մտադիր է, մինչ իշխանության գալը, երկրում կազմակերպել դիմակ կրելու համազգային ռեժիմ։ Այս մասին հայտնում է Fox News-ը՝ հղում անելով սեփական աղբյուրներին։

Ըստ այդ աղբյուրների՝ պաշտոնյան նախատեսում է դրան հասնել՝ աշխատելով նահանգապետերի հետ, իսկ եթե նրանք հրաժարվեն՝ առանձին շրջանների ղեկավարների հետ։

Բայդենը կարող է բախվել նույն դժվարություններին, ինչ Թրամփը։ ԱՄՆ-ում նահանգների և շրջանների մակարդակով տեղական իշխանությունները հաճախ իրականացնում են կորոնավիրուսի դեմ պայքարի սեփական միջոցառումներ՝ հաշվի չառնելով դաշնային իշխանությունների խորհուրդները։ Տեղական իշխանության մարմիններին Վաշինգտոնը հարկադրել չի կարող։

ԱՄՆ-ը հիվանդացության և մահացության մակարդակով մնում է աշխարհում առաջատար։ Վերջին տվյալների համաձայն՝ երկրում մինչ օրս գրանցվել է կորոնավիրուսի ավելի քան 9․8 մլն դեպք, որից 237 հազարը՝ մահվան ելքով։