Ադրբեջանի շիա գեներալները ապստամբություն են պատրաստում թուրքական հրամանատարության դեմ

Ստամբուլում @wargonzo-ի աղբյուրներից ստացված տեղեկատվության համաձայն՝ Ադրբեջանի գեներալները բանակի ղեկավարումից թուրքերի կողմից փաստացի հեռացվելուց հետո պատրաստվում են ապստամբություն սկսել նախարարության ներսում: Ադրբեջանցի սպաները, որոնք շիաներ են, վրդովված են այն փաստից, որ ռազմաճակատում իրենց մարդկանց իրականում ղեկավարում են Թուրքիայի հատուկ ծառայությունները և արմատական սուննի թևի թուրքամետ ահաբեկչական խմբավորումների դաշտային հրամանատարները. հայտնում է WarGonzo–ն։

«Ալիևը նույնպես կորցնում է վերահսկողությունը երկրում տիրող իրավիճակի վրա: Այժմ նրա շրջապատում բռնկվել է ներկլանային հակամարտություն: Ալիևի կնոջ՝ Փաշաևների տոհմը, նրանից պահանջում է ամբողջապես անցնել Անկարայի արտաքին վերահսկողության տակ: Ավելին՝ դա պահանջում է անել հենց հիմա: Ինքը՝ Ալիևը, փորձում է ավելի խորամանկ խաղ խաղալ՝ ձևացնելով երկխոսություն Մոսկվայի հետ՝ Ռուսաստանի Դաշնության հետ կապերի արմատական-սկանդալային խզումից խուսափելու համար: Միևնույն ժամանակ, նա հիանալի հասկանում է, որ ամեն դեպքում ստիպված կլինի «պառկել» Էրդողանի տակ: Մի խոսքով՝ Ադրբեջանի ղեկավարը հայտնվել է բազմավեկտոր իրավիճակում»,– գրում է ռուսական լրատվամիջոցը։