Հակառակորդը հարվածում է Ստեփանակերտին. (ԼՐԱՑՎՈՂ)

Ադրբեջանական զինված ուժերը կրկին թիրախավորել են Արցախի մայրաքաղաք Ստեփանակերտը:

Քաղաքում միացել է օդային տագնապի ազդանշանը: Եղել է մոտ 6-7 հարված: 

14:39

Ադրբեջանի ԶՈՒ-երը թիրախավորել են Ստեփանակերտի ծննդատունը։ Տուժածների մասին տեղեկությունները ճշտվում են։ 

15:02

«Սմերչ» տիպի համազարկային կրակի կայանքից թշնամին հրետակոծում է մայրաքաղաք Ստեփանակերտը։ Տուժածների և վնասների մասին տեղեկությունները ճշտվում են։ Քաղաքում օդային տագնապ է։ 

16:33

Արցախի ԱԻ պետական ծառայությունից հայտնում են, որ կեսօրին ռազմական ավիահրթիռներով ռմբակոծվել է նաև Շուշին, որի հետևանքով քաղաքացիական 2 անձ վիրավորվել են, մեկը՝ զոհվել:

Քաղաքում կան բազմաթիվ ավերածություններ, այդ թվում ամբողջությամբ ավերվել է բնակելի մեկ առանձնատուն, մասնակի վնասվել է Խ.Աբովյանի անվան դպրոցը։