Անկարայի և Փարիզի հարաբերությունները երբեք այսքան վատը չեն եղել. ֆրանսիական մամուլ

Ֆրանսիական Le Monde պարբերականը «Անկարայի և Փարիզի հարաբերությունները երբեք այսքան վատը չեն եղել» վերնագրով հոդված է հրապարակել, որում անդրադարձել է հատկապես վերջին օրերին Ռեջեփ Թայիփ Էրդողանի կողմից հնչեցված խոսքերին։

Պարբերականը գրում է, որ Էրդողանի հիմնական նպատակն իր ընկնող հեղինակությունը բարձրացնելն է. «Էրդողանն իր հին զայրույթներն ու բարկություններն ավելի է գրգռում և ,Մակրոնին ներկայացնելով որպես իսլամի թշնամի, ցանկանում է իր հեղինակությունը բարձրացնել»։

Իր հերթին, Le Figaro–ն նշում է, որ Էրդողանը կոչ է արել իսլամիստներին՝ համախմբվել ընդդեմ Ֆրանսիայի: Ըստ թերթի՝ սա ևս մեկ քայլ է՝ ուղղված երկու երկների միջև հարաբերությունների վատացմանը։