Երբ ճակատամարտի ելքը վճռված է` հօգուտ մեզ, Պոմպեոն նոր հիշեց, թե ով է ագրեսոր․ Սուրեն Սարգսյան

Քաղաքագետ Սուրեն Սարգսյանն իր ֆեյսբուքյան էջում գրում է․

«Պատերազմի 20-րդ օրը, երբ ճակատամարտի ելքը վճռված է` ի օգուտ մեզ, Պոմպեոն նոր հիշեց, թե ով է ագրեսոր և ով է կրակի վրա յուղ լցնողը:

Երեկ, ԱՄՆ պետքարտուղար Մայք Պոմպեոն հայտարարել էր, որ այն, ինչ կատարվում է այսօր Ադրբեջանում և Հայաստանում, վտանգավոր է։ Թուրքերը խառնվել են և միջոցներ են տրամադրել Ադրբեջանին՝ ավելացնելով ռիսկը Լեռնային Ղարաբաղ կոչվող այս տարածքի համար պատմական մարտում։ Այն փոքր տարածք է՝ 150 հազար բնակչությամբ․ «Այս հակամարտությունը կարող է լուծվել միայն խաղաղ միջոցներով, ոչ թե զինված հակամարտության և հաստատ առանց երրորդ երկրների, որոնք տրամադրում են իրենց կրակային ուժը մի վայրում, որն արդեն վառոդի տակառ է։ Մենք հույս ունենք, որ հայերը կկարողանան պաշտպանվել նրանից, ինչ որ անում են ադրբեջանցիները, և հետո նրանք բոլորը հրադադար կունենան, այնուհետև կնստեն բանակցային սեղանի շուրջ և կփորձեն լուծել այդ իսկապես պատմական և բարդ խնդիրնեի հավաքածուն»,- հայտարարել էր Պոմպեոն»։