Ջավախքի Ազավրեթ, Կաջո, Բարալեթ և Բուղաշեն գյուղերից ևս 25 տոննա կարտոֆիլ՝ ռազմաճակատին

Ջավախքից Արցախ հասցվող դրամական և պարենային աջակցությունները շարունակում են լայն թափով: Յուրաքանչյուր օր բարեգործական հիմնադրամների հաշվեհամարներին է փոխանցվում դրամական օժանդակությունը, Վրաստան-ՀՀ սահմանն են հատում մարդասիրական բեռ տեղափոխող բեռնատարները, Արցախյան գոյապայքարին իրենց մասնակցությունն են բերում նաև ծնունդով կամ արմատներով Ջավախքից բազմաթիվ կամավորներ, բժիշկներ և այլ ոլորտի մասնագետներ:

Արցախյան գոյապայքարին օժանդակելու գործին են լծվել նաև ռուսաստանաբնակ ջավախահայերը: Այսօր Երևանում ևս 25 տոննա կարտոֆիլ է դատարկվել: Մարդասիրական օժանդակությունը հավաքվել և ռազմաճակատին է ուղարկվել Ախալքալաքի շրջանի Ազավրեթ, Կաջո, Բարալեթ և Բուղաշեն գյուղի բնակիչների կողմից: