Արգիշտի Քյարամյանն ազատվել է ԱԱԾ տնօրենի պաշտոնից

ՀՀ նախագահ Արմեն Սարգսյանի հրամանագրով Ազգային անվտանգության ծառայության տնօրեն Արգիշտի Քյարամյանն ազատվել է պաշտոնից։

«Հիմք ընդունելով վարչապետի առաջարկությունը` համաձայն Սահմանադրության 133-րդ հոդվածի 1-ին մասի, ինչպես նաև «Ազգային անվտանգության մարմինների մասին» օրենքի 4.1-ին հոդվածի 1-ին մասի.
Արգիշտի Քյարամյանին ազատել Հայաստանի Հանրապետության ազգային անվտանգության ծառայության տնօրենի պաշտոնից»:

Նախագահի մեկ այլ հրամանագրով ԱԱԾ տնօրենի պարտականությունների ժամանակավոր կատարող է նշանակվել Միքայել Համբարձումյանը։

Հիշեցնենք, որ 29-ամյա Արգիշտի Քյարամյանն ԱԱԾ տնօերնի պաշտոնում նշանակվել էր 2020 թվականի հունիսի 8-ին: