Ռուսական թատրոնը «Գայլն ու 7 ուլիկները» ներկայացումը կխաղա Արցախից Երևան եկած երեխաների համար

Հոկտեմբերի 8-ին, ժամը 13:00-ին Կ. Ստանիսլավսկու անվան ռուսական թատրոնում կցուցադրվի ըստ ռուս ժողովրդական հեքիաթների «Գայլն ու յոթ ուլիկները» բարեգործական մանկական ներկայացումը (բեմադրիչ` Իռա Հարությունյան)` իրենց բնակավայրից ժամանակավորապես հեռու գտնվող երեխաների համար: Այս մասին  հայտնում է թատրոնի մամուլի ծառայությունը:

Հեքիաթի սյուժեն հետևյալն է. մայր այծը, գնալով տանից, իր ուլիկներին խրատում է զգուշանալ մոտակայքում թափառող գայլից: Գայլը, օգտվելով հարմար առիթից, թակում է այծի տան դուռն ու ասում, որ նրանց մայրն է:

Բեմում կլինեն թատրոնի երիտասարդ դերասանները:

Հավելենք, որ մանուկներին մուտքի մոտ կդիմավորեն հայտնի հեքիաթների հերոսները: