Արդյո՞ք ունենք ՀԱՊԿ֊ին փոխարինող այլ անվտանգային համակարգի հետ պայմանավորվածություն. Բ. Եսայան

Արդյո՞ք սա նշանակում է տարիներ շարունակ ՀՀ անվտանգությունն ապահովող համակարգից ներկայիս ընթացող պատերազմի պայմաններում դուրս գալուն ուղղված գործնական քայլ։ Ինչո՞վ է այն պայմանավորված, միջանձնային հարաբերություններով, թե՞ բաժակաճառային մակարդակով հնչող «փայլուն» միջպետական հարաբերությունների մասին հայտարարությունների ֆոնին պետական բարձրաստիճան պաշտոնյաների ընդգծված հակառուսական վարքագծով։ Արդյո՞ք ունենք այլ անվտանգային համակարգի հետ այնպիսի պայմանավորվածություններ ու հարաբերություններ, որոնք այս պահին փոխարինելու են ՀԱՊԿ-ին, թե՞ առաջնորդվում ենք վանոյական «մեր պաշտպանվածությունը մեր անպաշտպանության մեջ է» տխմար դրույթով։ ՀՀ տարածքին փորձնական հարված հասցնելուց ու դրա հետևանքով որևէ համարժեք գործողություն չտեսնելուց հետո թուրքադրբեջանական տանդեմի՝ պատերազմական գործողությունները Հայաստանի տարածում էլ ծավալելու հետևանքներն արդյո՞ք հաշվարկված են։ Հուսով եմ, այո, հակառակ դեպքում հետևանքները ու դրա համար անձերի պատասխանատվությունը շատ, անչափ ծանր կարող են լինել»: