Ավստրիայում փակ տարածքներում հավաքները կսահմանափակվեն 10 հոգով

Հաջորդ շաբաթվանից Ավստրիայում փակ տարածքներում հանդիպումները կսահմանափակվեն 10 հոգով, կխստացվեն նաև ռեստորաններին ներկայացվող պահանջները՝ կորոնավիրուսային իրավիճակի վատթարացման հետևանքով. հայտնում է Reuters լրատվական գործակալությունը՝ կանցլեր Քուրցի հայտարարությանը հղումով:

Նա, մասնավորապես, նշել է. «Սրանք ոչ հաճելի սահմանափակումներ են, բայց դրանք անհրաժեշտ են, որպեսզի, հուսով եմ, խուսափենք երկրորդ խիստ կարանտինից»:

Այսպիսով՝ սեպտեմբերի 21-ից երկրում արգելվելու է հավաքվել փակ տարածքներում ավելի քան 10 հոգով:

Բացի այդ՝ ռեստորաններն ու բարերը ստիպված կլինեն հաճախորդներին սպասարկել միայն սեղանիկների շուրջը, իսկ «դիմակի ռեժիմը» կտարածվի նաև շուկաների վրա: