Չինաստանը զորավարժություններ է անցկացնում Թայվանի նեղուցի մոտ

Չինաստանը զորավարժություններ է անցկացնում Թայվանի նեղուցի մոտ. հայտնում է Reuters լրատվական գործակալությունը՝  Չինաստանի պաշտպանության նախարարության ներկայացուցիչ Ժեն Գոցյանին հղումով:

Նա, մասնավորապես, նշել է. «Սրանք ողջամիտ և անհրաժեշտ գործողություններ են՝ ուղղված Թայվանի նեղուցում ընթացիկ իրավիճակին և ազգային ինքնիշխանության ու տարածքային ամբողջականության պաշտպանությանը»:

Ըստ ՊՆ ներկայացուցչի՝ Թայվանը Չինաստանի ներքին գործն է, որը չի հանդուրժում օտարերկրյա միջամտությունը։

«Չինաստանի վրա վերահսկողության համար Թայվանն օգտագործելու փորձերը կամ ինքնակատարելագործման նպատակով օտարերկրացիների վրա հենվելը ցանկալին իրականության փոխարեն ներկայացնել է: Նրանք, ովքեր կրակի հետ են խաղում, կայրվեն»,- շեշտել է նա:

Նշենք՝ Չինաստանի հայտարարությունը կատարվել է ԱՄՆ էկոնոմիկայի փոխնախարար Քիթ Քրաչի Թայվան այցի օրը։ Նա պետք է հանդիպի երկրի նախագահ Ցայ Ին-վենի հետ, իսկ շաբաթ ներկա գտնվի հանգուցյալ նախագահ Լի Թեն-հուեյի հիշատակի արարողությանը։