Տիխանովսկայան ելույթ է ունեցել Freedom House-ի մրցանակաբաշխությանը

Բելառուսի նախագահի նախկին թեկնածու Սվետլանա Տիխանովսկայան ելույթ է ունեցել Freedom House կազմակերպության ամենամյա մրցանակաբաշխության արարողությանը. հայտնում է ՏԱՍՍ-ը:

Նշվում է՝ Տիխանովսկայան առաջադրված չի եղել մրցանակի, բայց հրավիրված է եղել որպես հյուր։ Նա մոտեցել է բարձրախոսին ու բարձրացրել բելառուսական ճգնաժամի թեման: «Հարյուրհազարավոր բելառուսներ խաղաղ պաշտպանում են իրենց իրավունքները՝ չնայած դաժան բռնաճնշումներին, և նրանք ունեն պարզ պահանջ՝ սկսել երկխոսություն ու հայտարարել նոր, ազատ և արդար ընտրություններ»,- հստակեցրել է նա։

Հիշեցնենք՝ Freedom House-ը քաղաքական ազատությունների և մարդու իրավունքների ոլորտում ԱՄՆ-ի խոշորագույն և ոչ կառավարական կազմակերպություններից մեկն է։