Պուտինն ու Լավրովը ներողություն են խնդրել Սերբիայի նախագահից Զախարովայի ֆեյսբուքյան գրառման համար

Պուտինն ու Լավրովը ներողություն են խնդրել Սերբիայի նախագահից Մարիա Զախարովայի ֆեյսբուքյան գրառման համար. հայտնում է  zik.ua-ն՝ նշելով, որ Ռուսաստանի ԱԳՆ խոսնակ Մարիա Զախարովան իր ֆեյսբուքյան էջում Ալեքսանդր Վուչիչի ու Դոնալդ Թրամփի հանդիպման լուսանկարի կողքին տեղադրել էր մեկ այլ լուսանկար «Հիմնական բնազդ» ֆիլմից՝ մակագրությամբ. «Եթե Սպիտակ տուն են հրավիրել և աթոռն այնպես են դրել`կարծես հարցաքննության եք, նստեք այնպես, ինչպես երկրորդ լուսանկարում է պատկերված, ով էլ որ լինեք: Պարզապես հավատացեք ինձ»:

Այս առնչությամբ Սերբիայի նախագահ Ալեքսանդր Վուչիչը հայտարարել է. «Նախագահ Պուտինը երբեք ինձնից ներողություն չի խնդրել ինչ-որ բանի համար, ինչպես նաև՝ Սերգեյ Լավրովը: Զախարովայի գրառման պատճառով նրանք դա արեցին: Ես նույնիսկ չէի հիշում այդ պատմությունը: Կարծում եմ, որ մենք լավ հարաբերություններ ունենք, և այս միջադեպն ինձ համար կարևոր չէ»:

Լուսանկարը՝ ստորև: