Վրաստանում կորոնավիրուսի 18 նոր դեպք է գրանցվել

Օգոստոսի 31-ի ժամը 10:00-ի դրությամբ՝ Վրաստանում կորոնավիրուսով վարակի 18 նոր դեպք է գրանցվել. ընդհանուր դեպքերի քանակը երկրում 1487 է: Այս մասին գրում է երկրի կառավարության կողմից ստեղծված stopcov.ge կայքը:

Վրաստանում մեկ օրում կորոնավիրուսից բուժվել է ևս 19 պացիենտ, ընդհանուր հաշվով՝ վարակը հաղթահարել է 1240 մարդ: Վարակից  մահացել է 19 մարդ:

Այս պահի դրությամբ՝ կարանտինային գոտում է 5524 քաղաքացի, հատուկ ստացիոնար հսկողության տակ՝ 221 պացիենտ: Արտերկրից կորոնավիրուսով վարակված 41 քաղաքացի է տեղափոխվել Վրաստան՝ բուժվելու նպատակով:

Հիշեցնենք, որ Վրաստանում առաջին անգամ կորոնավիրուսով վարակի դեպք է հայտնաբերվել փետրվարի 26-ին: