Ռուսաստանում սկսվել են Ս-500 զենիթահրթիռային համակարգի փորձարկումները

Ռուսաստանում սկսվել են Ս-500 զենիթահրթիռային համակարգի փորձարկումները: Այս մասին «Բանակ-2020» ֆորումի ժամանակ լրագրողներին հայտնել է ՌԴ փոխվարչապետ Յուրի Բորիսովը, հաղորդում է ՏԱՍՍ-ը:

«Սկսվել են պետական փորձարկումները, եւ արդեն ընթանում են սերիական արտադրության համար բաղադրիչների գնումները»,-ասել է նա:

Այս տարվա փետրվարին ՌԴ պաշտպանության փոխնախարար Ալեքսեյ Կրիվորուչկոն հայտնել է, որ ռուս զինծառայողները 2019թ. Ս-500 զենիթահրթիռային համակարգի համար հրթիռների փորձարկումներ են անցկացրել: Ավելի վաղ նա հայտնել է, որ նախնական փորձարկումները կսկսվեն 2020 թվականին, իսկ սերիական մատակարարումները՝ 2025 թվականին:

Ռուսական նոր համակարգը կարող է խոցել 481,2 կմ հեռավորությամբ թիրախը: