Աբու Դաբիի և Իսրայելի միջև համաձայնագիրը ուղղված չէ Իրանի դեմ. ԱՄԷ-ի ԱԳՆ

Իսրայելի և Արաբական Միացյալ Էմիրությունների միջև կապերը կարգավորելու համաձայնագիրը «ինքնիշխան որոշում» է, որն ուղղված չէ Իրանի դեմ. հայտարարել է ԱՄԷ-ի ԱԳՆ ղեկավար Անվար Գարգաշը. հայտնում է Reuters-ը։

«Մենք չենք ընդունում միջամտություն մեր որոշումներին», - հավելել է նա:

Հիշեցնենք, որ օգոստոսի 15-ին Իրանի նախագահ Հասան Ռոհանին հայտարարել էր, որ Աբու Դաբին «հսկայական սխալ» է թույլ տվել՝ պայմանագիր կնքելով Թել Ավիվի հետ: Նա այդ որոշումը անվանեց «դավաճանություն» Ծոցի պետության կողմից: Հաջորդ օրը ԱՄԷ-ի իշխանությունները զանգահարել են Աբու Դաբիում Իրանի գործերով հավատարմատարին և նրան գրություն են հանձնել ի պատասխան Իրանի նախագահի ելույթի, որը Արաբական Միացյալ Էմիրությունների Արտաքին գործերի նախարարությունը անվանել է «անընդունելի»:

Հիշեցնենք, որ ըստ ձեռք բերված համաձայնագրի՝ Թել Ավիվի և Աբու Դաբիի միջև հարաբերությունները կկարգավորվեն, կբացվեն դիվանագիտական ներկայացուցչություններ, տարբեր ոլորտներում տեղի կունենա համագործակցություն։