Մեղադրում են, որ ապրիլի պատերազմը գրել ենք դասագրքերում. մինչդեռ իրենք վաճառում են մեր պատմությունը

Թուրքիայի պետական քաղաքականության կարևոր բաղադրիչը հայերի համար ծուղակներ պատրաստելն է. հայ-թուրքական հաշտեցման հանձնաժողովի գործունեությունը օրակարգ բերելն այդ ծուղակներից մեկն էր, հիմա թակարդը կրթական ծրագրի տեսքով է: Թուրքական կողմի հետ երկխոսություն է եղել, հետեւանքը՝ դասագիրք՝ հայկական կողմի համար անընդունելի չափորոշիչներով: Մեր երիտասարդ պատմաբանները մեզ մեղադրում են, որ հայոց պատմությունը շարադրել ենք ազգայնականության համատեքստում, որ խաղաղասեր չենք, որ վերահրատարակված դասագրքերում ներկայացրել ենք Ռոբերտ Աբաջյանի և ընկերների հերոսապատումը. իբրև թե այդպիսով երեխայի մեջ աղճատվում է «հարևանի» մասին պատկերացումները:

«Հայու տեսակ» հաղորդման հյուրը ՀՀ ԳԱԱ պատմության ինստիտուտի տնօրեն Աշոտ Մելքոնյանն է: