ՏԵՍԱՆՅՈՒԹ ․«Արթուր Մեսչյանը մնում է իր խոստման շրջանակներում»․ քաղաքապետը՝ Մեսչյանի աշխատանքից ազատվելու մասին

Օրերս մամուլում լուրեր էին շրջանառվում, որ Երեւանի գլխավոր ճարտարապետ Արթուր Մեսչյանը աշխատանքից ազատման դիմում է գրել։

«Պարոն Մեսչյանը, երբ գալիս էր, ի սկզբանե ասել էր, որ գալիս է մոտավորապես երկու տարի ժամկետով: Այդ երկու տարին մոտենում է իր ավարտին, և բնական է, որ այդ մարդը սկզբում ինչպես ասել էր, իմ ու բոլորի կողմից շատ հարգված Արթուր Մեսչյանը մնում է իր խոստման շրջանակներում»,- այսօր լրագրողների հետ հանդիպմանն ասաց Երևանի քաղաքապետ Հայկ Մարությանը, չժխտելով Մեսչյանի դիմումի առկայությունը․ «Բնական է, որ մարդը երբ հեռանա, պետք է իր սեփական դիմումի համաձայն հեռանա: Այսօր պարոն Մեսչյանը պաշտոնավարում է, հետագայում, երբ գա ժամանակը, դրա մասին կհայտարարվի: Այստեղ գաղտնիք չկա»:

Առավել մանրամասն՝ տեսանյութում․