Ղազախստանը հաղթահարել է կորոնավիրուսի գագաթնակետը

Ղազախստանի առողջապահության նախարար Ալեքսեյ Ցոյը հայտարարել է, որ երկիրը հաղթահարել է կորոնավիրուսային հիվանդության գագաթնակետը. հայտնում է kapital.kz-ը:

«Գագաթնակետը հաղթահարվել է, և մեր խնդիրն է պահպանել շատ ծանր փորձություններով մեր ողջ ժողովրդի հաղթած դիրքերը ամբողջ առողջապահության համակարգի համար», - ասել է նախարարը:

Օգոստոսի 3-ի դրությամբ՝ համաճարակի սկսվելուց ի վեր, Ղազախստանում գրանցվել է կորոնավիրուսային վարակի 92,662 դեպք` 793 մահվան ելքով: Միևնույն ժամանակ, վարակվածների 67,4 տոկոսն արդեն վերականգնվել է. ասել է Ցոյը:

«Միայն վերջին 24 ժամվա ընթացքում 672 մարդ ազատվել է հիվանդությունից, և այդպիսի լավ ցուցանիշները դանդաղորեն աճում են», - եզրափակել է պաշտոնյան: