ՈՒՂԻՂ. Արթուր Վանեցյանը այցելել է ԱԱԾ՝ բացատրություններ տալու

ԱԱԾ նախկին ղեկավար, «Հայրենիք» կուսակցության ղեկավար Արթուր Վանեցյանը ժամանել է ԱԱԾ՝ բացատրություններ տալու:

Հիշեցնենք, որ նախօրեին նրա փաստաբան Լուսինե Սահակյանը տեղեկացրել էր, որ Վանեցյանը առավոտյան ժամը 10-ին կանչվել է ԱԱԾ` բացատրություն տալու: Թե կոնկրետ ինչ գործի շրջանակում է ԱԱԾ նախկին ղեկավարը հրավիրվել ԱԱԾ, փաստաբանը չի մեկնաբանել: Ի դեպ այս առիթով իրավապաշտպան, «Հայրենիք» կուսակցության վարչության անդամ Արսեն Բաբայանը նախօրեին ֆեյսբուքյան գրառմամբ մեկնաբանել էր, որ սա՝ քաղաքական հետապնդում է:

«Միանշանակ է, որ «Հայրենիք» կուսակցության ղեկավար Արթուր Վանեցյանի նկատմամբ իրականացվում է քաղաքական փնթի հետապնդում: Նախապատրաստելով շինծու եւ ծիծաղելի նյութեր, քաղաքականացված եւ այդպիսով կործանված իրավապահ համակարգը քաղաքական հետապնդման հերթական հանձնարարությունն է կատարում: Վստահ եմ, որ պատճառը «Հայրենիք» կուսակցության օրեցոր աճող հեղինակությունն է, մարդկանց մեծածավալ հոսքը, որը Նիկոլ Փաշինյանին, հասցնում են գիտակցության կորստի»,- գրել է Բաբայանը:

Առավել մանրամասն՝ ուղիղ հեռարձակմամբ.