Թուրքիան ընդունել է սոցցանցերի կարգավորման մասին օրենքը

Թուրքիայի խորհրդարանն ընդունել է սոցիալական լրատվամիջոցները կարգավորելու օրինագիծը՝ համաձայն քվեարկության արդյունքների:

Իշխող Արդարություն և զարգացում կուսակցության խորհրդարանական խմբակցության ղեկավար Օզլեմ Զենգինի խոսքով՝ ԱԶԿ-ի՝ խորհրդարան ներկայացած 9 կետից բաղկացած օրինագծի համաձայն, ավելի քան 1 միլիոն օգտատեր ունեցող մեծ սոցիալական ցանցերից կպահանջվի ունենալ Թուրքիայում ներկայացուցչություն, որի ղեկավարը պետք է լինի Թուրքիայի քաղաքացի:

Թուրքիայի իշխանությունների կողմից վիրավորական և զրպարտություն համարվող գրառումները պետք է հանվեն առանց դատարանի որոշման 48 ժամվա ընթացքում: Եթե բովանդակության հանման և սոցիալական ցանցերի ներկայացուցիչների նշանակման պահանջները չբավարարվեն, մեծ տուգանքներով կպատժվեն, նաև կտրամադրվի համացանցային թրաֆիքի զգալի կրճատումներ: Օրինագիծը պահանջում է, որ ընկերությունները պահեն իրենց թուրք հաճախորդների բոլոր տվյալները Թուրքիայում: