Ռուսաստանը օգոստոսի 1-ից վերսկսում է միջազգային ավիահաղորդակցությունը

Ռուսաստանը օգոստոսի 1-ից վերսկսում է միջազգային ավիահաղորդակցությունը: Այս մասին հայտարարել է կառավարության ղեկավար Միխայիլ Միշուստինը. այս մասին հայտնում է ՌԻԱ «Նովոստի»-ն։

«Ընդ որում, մենք առաջնորդվել ենք համաճարակաբանական իրադրությամբ, հիվանդացության ցուցանիշներով եւ փոխադարձության սկզբունքներով»,- նշել Է նա:

Արտասահման հնարավոր կլինի մեկնել Մոսկվայից, Մոսկվայի մարզից, Սանկտ Պետերբուրգից եւ Դոնի Ռոստովից:

Վարչապետի տեղակալ Տատյանա Գոլիկովան պարզաբանել է, որ առայժմ խոսքը միայն երեք երկրների՝ Մեծ Բրիտանիայի, Թուրքիայի եւ Տանզանիայի մասին է, սակայն աստիճանաբար ցուցակը կընդլայնվի:

Մարտին Ռուսաստանը փակել էր սահմանները պանդեմիայի պատճառով։