ԱՄՆ-ի Բրբանք քաղաքում իր տանը սպանվել է հայազգի գործարար Արմեն Սահակյանը

ԱՄՆ-ի Բրբանք քաղաքում իր տանը սպանվել է վերջին տարիներին ԱՄՆ-ում բնակություն հաստատած գործարար, «Նոյյան տապան» գրախանութի սեփականատեր, Երեւանում գտնվող «Մարկո պոլո» սրճարանի նախկին սեփականատեր Արմեն Սահակյանը:

Ծանր վիրավորում է ստացել նաեւ գործարարի կինը: Նրա վիճակը կայուն ծանր է:

Հաղորդվում է, որ գործարարին սպանել են երկու մեքսիկացի վարձկաններ: Սահակյանին հաջողվել էր կրակել եւ սպանել նրանցից մեկին, սակայն մյուս մեքսիկացին կրակել եւ սպանել էր գործարարին, վիրավորել նրա կնոջը, ապա լքել դեպքի վայրը:

Նշենք, որ Սահակյաններն ունեն երեք անչափահաս երեխա: Փոխհրաձգության ժամանակ երեխաները նույնպես տանն են եղել: Բարեբախտաբար, չեն տուժել: