Վրաստանը թույլատրել է մշակութային միջոցառումներ անցկացնել բաց երկնքի տակ

Այսօրվանից Վրաստանում կթույլատրվեն մշակութային միջոցառումները բաց երկնքի տակ:

Ինչպես հուլիսի 9-ին կառավարության նիստում հայտարարել էր Վրաստանի վարչապետ Գեորգի Գախարիան, երբ ներքին զբոսաշրջությունը գնալով դառնում է արդիական, մշակութային միջոցառումների՝ բաց երկնքի տակ անցկացումը կարևոր նշանակություն ունի:

«Վրաստանի կառավարությունը մեկ այլ որոշում կայացրեց, որ երկուշաբթի օրը` հուլիսի 13-ին, մշակութային միջոցառումների արգելքը հանվում է: Կարծում եմ, հատկապես հիմա՝ ամռանը, երբ ներքին տուրիզմը գնալով դառնում է արդիական, շատ կարևոր է:

Բոլոր միջոցառումները, որոնք ունեն տարբեր ծանրաբեռնվածություններ, կթույլատրվեն: Օրինակ՝ վերջերս կինոլոգիայի մեծ պահանջարկ է առաջացել: Իհարկե, մենք պետք է նաև օգնենք մեր չորս ոտանի ընկերներին, նրանց հնարավորություն ընձեռենք նորմալ ցուցահանդեսներ անցկացնել», - ասել է Գեորգի Գախարիան: