Նավթի գները նվազում են. պատճառը՝ ԱՄՆ-ում կորոնավիրուսակիրների թվի աճն է

Նավթի գները նվազում են այն մտավախությունների ֆոնին, որ ԱՄՆ-ում կորոնավիրուսի նոր դեպքերի աճը, որը նավթի ամենամեծ սպառողն է աշխարհում, կսահմանափակի վառելիքի պահանջարկի վերականգնումը. այս մասին գրում է Reuters-ը:

Նշվում է՝ Brent տեսակի նավթի ֆյուչերսները նվազել են 0.7 տոկոսով և կազմել են 42.8 դոլար մեկ բարելի դիմաց, WTI-ի գինը նվազել է 0.76 տոկոսով և հասնել 40.32 դոլարի բարելի դիմաց:

Հիշեցնենք՝ հուլիսի առաջին հինգ օրվա ընթացքում ԱՄՆ 16 նահանգներ վարակման դեպքերի ռեկորդային աճ են գրանցել: Ավելանում են մտահոգություններն այն մասին, որ համավարակի տարածման զսպման համար ձեռնարկված միջոցները բացասաբար կանդրադառնան վառելիքի պահանջարկի վրա: