Հունաստանը կորոնավիրուսի դեպքերի թվի կտրուկ աճի ֆոնին արգելել է սերբ զբոսաշրջիկների մուտքը երկիր

Հունաստանը արգելել է սերբ զբոսաշրջիկների մուտքը երկիր՝ կորոնավիրուսով վարակման դեպքերի թվի կտրուկ աճի պատճառով. այս մասին հայտնում է AP-ն:

Նշվում է՝ արգելքն ուժի մեջ կմտնի հուլիսի 6-ից և կտևի մինչև հուլիսի 15-ը, սակայն այն կարող է երկարաձգվել, հայտնել է կառավարության մամուլի խոսնակը:

Միևնույն ժամանակ Հունաստանի իշխանությունները մանրամասնել են նաև, որ կորոնավիրուսով վարակման ինը նոր դեպքերի եւ վերջին 24 ժամվա ընթացքում մահվան դեպքերի բացակայության մասին: Ինը դեպքերից յոթը կապված է զբոսաշրջիկների հետ, որոնց երկիր ժամանելուն պես ստուգել են։

Հիշեցնենք՝ Հունաստանում կորոնավիրուսով վարակման հաստատված դեպքերի ընդհանուր թիվը ներկայումս կազմում է 3519, որից 192-ը մահացել է։