Հունիսի 30-ին Ռուսաստանից Հայաստան է վերադարձել ավելի քան 200 քաղաքացի

Հունիսի 30-ին ՌԴ Միներալնիյե Վոդի և Սոչի քաղաքներից Հայաստան են վերադարձել ավելի քան 200 քաղաքացի: Այս մասին տեղեկանում ենք Դոնի Ռոստովում ՀՀ գլխավոր հյուպատոսության ֆեյսբուքյան գրառումից:

«Ս․թ․ հունիսի 30-ին Միներալնիյե Վոդի և Սոչի քաղաքների միջազգային օդանավակայաններից Հայաստան են վերադարձել 248 քաղաքացի։

Չվերթները իրականացրել է «Armenia» ավիաընկերությունը»,-նշվում է հաղորդագրությունում: 

Ավելի վաղ Ղազախստանում ՀՀ դեսպանությունը տեղեկացրել էր, որ պաշտոնապես հաստատվել է Ակտաու-Երևան «SCAT» ավիաընկերության DV 5054 չարտերային չվերթը (կոմերցիոն հիմունքներով), որը կայանալու է հուլիսի 2-ին ժամը 01:30-ին։