Սլովակիայի նախկին նախագահ Անդրեյ Կիսկան հեռանում է քաղաքականությունից

Սլովակիայի նախկին նախագահ Անդրեյ Կիսկան(2014-2019), ով ներկայումս խորհրդարանի կազմում գտնվող «Հանուն մարդկանց» կուսակցության գործող նախագահն է կիրակի հայտարարել է, որ հեռանում է մեծ քաղաքականությունից առողջության հետ կապված խնդիրների պատճառով. այս մասին գրում է ՏԱՍՍ-ը։ 

Նա, մասնավորապես, նշել է. «Առողջությունն այլևս թույլ չի տալիս ինձ մնալ քաղաքականության մեջ», ու հավելել երկուշաբթի պետք է վերջին տարվա ընթացքում երկրորդ անգամ սրտի վիրահատություն անցնի։

Հիշեցնենք՝ «Հանուն մարդկանց» կուսակցությանը պատկանում է Սլովակիայի խորհրդարանում 150 մանդատներից 12-ը, ինչպես նաև կառավարությունում արդարադատության նախարարի պաշտոնը, սակայն Կիսկան չի առաջադրվելու օգոստոսին կայանալիք կուսակցության նախագահի պաշտոնում վերընտրվելու համար։