Ադրբեջանում ահաբեկչության դեմ պայքարը չպետք է օգտագործվի ընդդիմությունը ճնշելու համար. ԱՄՆ պետդեպ

ԱՄՆ Պետքարտուղարության՝ ահաբեկչության դեմ պայքարի տարեկան զեկույցում նշվում է, որ Ադրբեջանը օգտագործել է հակաահաբեկչական գործողությունը՝ որպես քաղաքական հակառակորդներին չեզոքացնելու պատրվակ:

Պետդեպարտամենտը հիշեցրել է, որ երկրի իրավապահ և անվտանգության ծառայությունները «չափազանց լայն» են կիրառել «ահաբեկչություն» և «ծայրահեղականություն» սահմանումները: Արդյունքում, քաղաքական հակառակորդները և կրոնական ակտիվիստները հետապնդվել, կալանավորվել են:

«Ֆիզիկական բռնության փաստերը ամենից հաճախ պատահում են Ներքին գործերի նախարարության կազմակերպված հանցավորության դեմ պայքարի գրասենյակի կողմից», - նշվում է զեկույցում: Դրա օրինակ է Նիամեդդին Ախմեդովի ՝ «Ժողովրդական ճակատ» կուսակցության առաջնորդ Ալի Քարիմլիի թիկնապահի գործը:

Ախմեդովին մեղադրանք էր առաջադրվել «ահաբեկչության ֆինանսավորման համար»։