ՏԵՍԱՆՅՈՒԹ․ Այս իշխանությունների մեկ օր ավել մնալն արդեն շատ վտանգավոր է դառնում մեր հայրենիքի համար․ Վանեցյան

Հայաստանում տեղի է ունեցել սահմանադրական կարգի տապալում, ինչը առանձնապես ծանր պետական հանցագործություն է, որի համար պատասխան են տալու՝ ըստ Yerkir.am-ի ասաց «Հայրենիք» կուսակցության նախագահ, ՀՀ ԱԱԾ նախկին տնօրեն Արթուր Վանեցյանը։

Այս մասին նա ասաց Գեղարքունիքի մարզկենտրոն Գավառում «Հայրենիք» կուսակցության և Հիմնադրամի  մարզային գրասենյակների բացման արարողությանը։

 «Այս իշխանությունների մեկ օր ավել մնալն արդեն շատ վտանգավոր է դառնում մեր հայրենիքի համար»,-ասաց նա կուսակցության անդամներին, համակիրներին, որոնց հրավիրել էր անկեղծ զրույցի։

Վանեցյանը վկայակոչեց վերջին իրադարձություններն ու նշեց․ «Հարցը միայն պատասխանատվության մեջ չէ, հարցն այն է, որ այդ քայլով վտանգվում է Հայաստանի Հանրապետության իրավական անվտանգությունը և սկսվում է, շատ կներեք, «բեսպրիդելի» ժամանակները»։

Արթուր Վանեցյանի համոզմամբ՝ Նիկոլ Փաշինյանը ձգտում է Հայաստանում հաստատել մենիշխանություն, բայց, ասաց, որ թույլ չեն տալու։

Նա կոչ արեց կուսակիցներին, համախոհներին սթափ և ուշադիր լինել։

Մանրամասն՝ տեսանյութում․