Գերմանիայում կորոնավիրուսով վարակվածների թիվը գերազանցել է 190 հազարը

Գերմանիայում կորոնավիրուսով վարակման հաստատված դեպքերի թիվը մեկ օրում ավելացել է 537-ով եւ հասել 190 359-ի. այս մասին գրում է ՌԻԱ «Նովոստի»-ն՝ Ռոբերտ Քոխի ինստիտուտի տվյալներին հղումով, որը Առողջապահության դաշնային նախարարության մաս է կազմում և վիճակագրություն է վարում COVID-19-ով վարակման դեպքերի վերաբերյալ։ 

Նշվում է՝ անցած օրվա ընթացքում մահացել է կորոնավիրուսով հիվանդ երեք մարդ, մահվան դեպքերի ընդհանուր թիվը հասել է 8885-ի:

Վարակումների ամենամեծ թիվը գրանցվել է Բավարիայում (47.867), Հյուսիսային Ռեյն-Վեստֆալիայում (41 218) եւ Բադեն-Վյուրտեմբերգում (35.227): Բեռլինում գրանցվել է 7.833 դեպք: