Կորոնավիրուսով վարակված Զելենսկիի կինը հոսպիտալացվել է երկկողմանի թոքաբորբով

Ուկրաինայի նախագահ Վլադիմիր Զելենսկիի կնոջը հոսպիտալացրել են Կիևի հիվանդանոցներից մեկում. այս մասին գրում է lenta.ru-ն։

Մասնավորապես, նշվում է՝ նախորդ շաբաթ նրա մոտ հաստատվել է կորոնավիրուս: Զելենսկիի կինը բժիշկների հսկողության տակ է՝ միջին ծանրության երկկողմանի թոքաբորբով: Նրա վիճակը գնահատվում է կայուն:

Նախօրեին Վլադիմիր Զելենսկու և նրա երեխաների կորոնավիրուսի հերթական թեստը բացասական արդյունք է գրանցել:

Հիշեցնենք՝ հունիսի 16-ին Ուկրաինայում կորոնավիրուսի 666 նոր դեպք է արձանագրվել, նախկինում վարակված 11 հիվանդ մահացել է, 275 հոգի առողջացել է: Համավարակի սկզբից ի վեր COVID-19 է հայտնաբերվել 32 476 մարդու մոտ, 912 հոգի մահացել է: