ԱՄՆ-ը երկարաձգել է Բելառուսի դեմ պատժամիջոցները

ԱՄՆ նախագահ Դոնալդ Թրամփը հրամանագիր է ստորագրել Բելառուսի դեմ պատժամիջոցները մեկ տարով երկարաձգելու մասին, որն ավելի վաղ Վաշինգտոնը սահմանել էր այդ երկրի «կառավարության որոշ անդամների» կողմից ազգային անվտանգությանը ներկայացնող սպառնալիքի պատճառով. այս մասին հայտնում է ՌԻԱ «Նովոստին»՝ Սպիտակ տանը հղումով։ 

Թրամփի կողմից ստորագրված փաստաթղթում, մասնավորապես, ասված է. «Բելառուսի կառավարության որոշ անդամների և այլ անձանց գործողություններն ու սկզբունքները շարունակում են հատուկ և արտակարգ սպառնալիք ներկայացնել ԱՄՆ-ի ազգային անվտանգությանը և արտաքին քաղաքականությանը», և հավելված. «Ես մեկ տարով երկարաձգում եմ նախագահական 13405 հրամանագրով հայտարարված ազգային արտակարգ իրավիճակի ռեժիմը»։