Իտալիայում կորոնավիրուսի զոհերի հարազատները բողոք են ներկայացրել դատախազություն

Իտալիայում կորոնավիրուսի հիսուն զոհերի հարազատները պաշտոնական բողոք են ներկայացրել Բերգամո քաղաքի դատախազություն՝ փորձելով պարզել կորոնավիրուսից մեծ թվով զոհերի համար պատասխանատուներին. այս մասին գրում է The Local-ը։

Այս առնչությամբ 31-ամյա Ստեֆանո Ֆուսկոն, որի պապը մարտին վիրուսից մահացել է տարեցների տանը, մեկնաբանություն է տարածել. «Մենք վրեժ չենք ուզում, մենք արդարություն ենք ուզում»,- ասել է նա ու հավելել՝ ինքը Facebook-ում խումբ է ստեղծել՝ նման իրավիճակում հայտնված մարդկանց հետ շփվելու համար:

Ըստ պաշտոնական տվյալների, որոնք շատ փորձագետներ նվազեցված են համարում, Իտալիայում կորոնավիրուսի համաճարակի ժամանակ մահացել է ավելի քան 34.000 մարդ:

Բողոքները ներկայացվել են Լոմբարդիայի Բերգամո քաղաքի դատախազություն, շրջան. այն ամենաշատն է տուժել համավարակից, ու այդպիսով «դարձել է այս ողբերգության խորհրդանիշը»։ 

Այս պահի դրությամբ Բերգամոյի դատախազներն առողջապահական ոլորտի ճգնաժամի լայնածավալ հետաքննություն են անցկացնում: Տեղի բնակիչները իշխանություններին մեղադրում են «կարմիր գոտու» ստեղծումը հետաձգելու և տևական ժամանակ Լոմբարդիայի առողջապահական համակարգի ֆինանսավորման կրճատումների մեջ: