Լինի կրակ թե բոց՝ մենք այն կմարենք, բայց մեր երկիրը չենք փակի. Թրամփը՝ ԱՄՆ-ում կորոնավիրուսի երկրորդ ալիքի բռնկման մասին

ԱՄՆ նախագահ Դոնալդ Թրամփը մտադրություն չունի խիստ սահմանափակումներ կիրառել երկրում, եթե աշնանը վրա հասնի կորոնավիրուսային վարակի երկրորդ ալիքը. այս մասին հայտնում է The Hill-ը։

Ի պատասխան հիվանդության երկրորդ ալիքի հետ կապված անհանգստության վերաբերյալ հարցին՝ Սպիտակ տան ղեկավարն ասել է, որ իրենք չեն պատրաստվում փակել երկիրը։ Նա վստահություն է հայտնել վարակի հետագա բռնկումները զսպելու ԱՄՆ-ի կարողության հարցում. «Լինի կրակ թե բոց՝ մենք այն կմարենք, բայց մեր երկիրը չենք փակի»,- հայտարարել է նա։

Հիշեցնենք՝ այս շաբաթ բոլոր 50 նահանգները հայտարարել են սահմանափակող միջոցառումները մեղմացնելու պատրաստակամության մասին։