Վրաստանում կորոնավիրուսով վարակման ընդամենը 6 նոր դեպք է գրանցվել

Մայիսի 18-ի ժամը 10:00-ի դրությամբ՝ Վրաստանում կորոնավիրուսով վարակի 6 նոր դեպք է գրանցվել, ընդհանուր դեպքերի թիվը երկրում կազմում է 701. այս մասին տեղեկանում ենք վրաց կառավարության կողմից ստեղծված պաշտոնական՝ stopcov.ge կայքից։

Նշվում է՝ կորոնավիրուսից բուժվել է ևս 7 մարդ: Ընդհանուր առմամբ ապաքինվածների թիվը 432 է: Մահվան ելքով դեպքերի թիվը 12 է:

Այս պահի դրությամբ կարանտինային գոտում է գտնվում 3890 քաղաքացի, հատուկ ստացիոնար հսկողության տակ է 357 պացիենտ: Արտերկրից կորոնավիրուսով վարակված 3 քաղաքացի բուժման նպատակով տեղափոխվել է Վրաստան։

Հիշեցնենք, որ Վրաստանում առաջին անգամ կորոնավիրուսով վարակի դեպք է հայտնաբերվել փետրվարի 26-ին: