Ճապոնիան մտադիր է արտակարգ դրությունը հանել երկրի 47 պրեֆեկտուրաներից 39-ում

Ճապոնիան կչեղարկի արտակարգ դրության ռեժիմը երկրի 47 պրեֆեկտուրաներից 39-ում. այս մասին գրում է ՌԻԱ «Նովոստի»-ն՝ վկայակոչելով Ճապոնիայի տնտեսության վերականգման հարցերով նախարար Յասուտոսի Նիսիմուրայի՝ կառավարական փորձագիտական խորհրդի նիստի ժամանակ արած հայտարարությունը. հայտնում է Yerkir.am-ը։ 

Ըստ ճապոնական «Կյոդո» գործակալության՝  նիստի սկզբում նախարարը հայտարարել է այն մասին, որ արտակարգ դրության ռեժիմը, որը երկրի տարածքում գործում է ապրիլի 16-ից, կդադարեցվի 39 պրեֆեկտուրաներում: Ռեժիմը նախկինի պես կգործի Հոկայդոյում, Տոկիոյում, հարևան Սայտամայում, Տիբեում, Կանագավայում, ինչպես նաև Կիոտոյում, Օսակայում, Հյոգոյում:

«Ամբողջ երկրում վարակումների կրճատման միտում կա: Վերջերս 39 պրեֆեկտուրաներում կորոնավիրուսով վարակմամբ պայմանավորված իրավիճակը հասել է մարտի կեսերին գրանցված ցուցանիշին, երբ նոր էր սկսվել վիրուսի տարածումը»,- հստակեցրել է նա։