«Մատանիների տիրակալը» ֆիլմի հայ աստղ Էնդի Սերկիսն ուղիղ եթերում կկարդա «Հոբիթ» գիրքը

Իրաքում ծնված ծագումով հայ դերասան Էնդի Սերկիսը, որը հայտնի է «Մատանիների տիրակալը» եռերգությունում կատարած դերերով, ուղիղ եթերում ամբողջությամբ կկարդա Ջոն Ռոնալդ Ռուել Թոլքինի «Հոբիթ» գիրքը։ Նրա նպատակն է՝ այդկերպ գումար հավաքել կորոնավիրուսի համավարակից տուժածների համար։  Այս մասին Սերկիսը հայտնվել է Twitter-յան պաշտոնական էջում՝ նշելով, որ եթերը կսկսվի մայիսի 8-ին ու կտևի 12 ժամ. հայտնում է CNN-ը։

Հայտնի դերասանն առաջարկությամբ է հանդես եկել, այն է՝ գումար նվիրաբերել GoFundMe կայքի միջոցով։ Հավաքված դրամական միջոցները կփոխանցվեն բրիտանական NHS Charities Together և Best Beginnings բարեգործական կազմակերպություններին։

Հիշեցնենք՝ Սարկիսը ռեժիսոր Փիթեր Ջեքսոնի «Մատանիների տիրակալը» և «Գոլում» ֆիլմերում կերտել է Գոլումի կերպարը։