Գերմանիայում արգելվել է «Հըզբոլլահ»-ի գործունեությունը

Գերմանիայում արգելելվել է «Հըզբոլլահ» շիա քաղաքական կազմակերպության գործունեությունը: Որոշումը կայացրել է Գերմանիայի ՆԳ նախարար Հորստ Զեեհոֆերը. տեղեկացնում է Yerkir.am-ը` EADaily-ին հղումով:

Նախարարության պաշտոնական ներկայացուցիչ Սթիվ Ալտերի խոսքով` ապրիլի 30-ի առավոտից ոստիկանությունը գործողություններ է իրականացնում Գերմանիայի դաշնային տարածաշրջաններում:

«Հըզբոլլահ»-ի գործունեությունը երկրում արգելելու կոչով ավելի վաղ հանդես էր եկել Բունդեսթագը, իսկ մինչ այս Գերմանիայում արգելված էր միայն կազմակերպության ռազմական թևի գործունեությունը:

Լիբանանյան «Հըզբոլլահ»-ը («Ալլահի կուսակցություն») ահաբեկչական է համարվում Կանադայում, ԱՄՆ-ում, Իսրայելում Եգիպտոսւմ, մասնակիորեն ԵՄ-ում, Ավստրալիայում, Պարսից ծոցի երկրներում: Այդպիսին է ճանաչվել նաև Արաբական պետությունների լիգայի կողմից: Ֆինանսական և ռազմական աջակցություն է ստանում Իրանից ու Սիրիայից: