Ո՞ր երկրներն են շահել կորոնավիրուսի համավարակից

Ավստրալիան, Նոր Զելանդիան և Հարավային Կորեան հայտնվել են այն սակավաթիվ երկրների շարքում, որոնք հաղթել են կորոնավիրուսի դեմ պայքարում. այս մասին գրում է CNBC-ն՝ հարցված փորձագետների խոսքերին հղումով. հայտնում է Yerkir.am-ը։

Մասնավորապես, ըստ մասնագետների, վերոնշյալ երեք պետությունները համեմատաբար արագ են հաղթահարել COVID-19-ի տարածումը, ինչը նրանց օգնել է վերագործարկել տնտեսությունը և վերսկսել ձեռնարկությունների և հաստատությունների աշխատանքը:

Բացի այդ՝ այս երկրներն ավելի գրավիչ են դարձել ներդրողների համար, ինչն արտացոլվում է այդ երկրներում ազգային արժույթների ամրապնդմամբ։

Հավելվում է նաև, որ կարևոր դեր է խաղացել նաև այն հանգամանքը, որ Չինաստանը՝ բոլոր երեք պետությունների համար գլխավոր առևտրային գործընկերներից մեկը, աստիճանաբար վերացնում է սահմանափակումները: