Թուրքիան Իդլիբում ռազմաբազա է հիմնել, իսկ Թել Աբյադում նորն է կառուցում

Թուրքիայի Զինված ուժերը Սիրիայի Իդլիբի հարավում գտնվող Ջեբել Զավիյե շրջանում նոր ռազմաբազա է կառուցում. հայտնում է demokrathaber.org կայքը։

Մարտի 5-ին Մոսկվայում ՌԴ նախագահ Վլադիմիր Պուտինի և Թուրքիայի նախագահ Ռեջեփ Թայիփ Էրդողանի միջև ձեռք բերված պայմանավորվածությամբ ռազմական գործողությունները դադարեցվել էին։ Դրանից հետո Իդլիբում զորքերի տեղաշարժեր սկսեցին նկատվել։

Ռազմաբազան հիմնվել է Բասսամիս գյուղաքաղաքում, որտեղ թուրքական զինուժը զրահամեքենաներից բաղկացած ավտոշարասյուն է ուղարկել։

Թուրքական զինուժը հրադադարից հետո այս շրջանում արդեն 10-րդ ռազմական օբյեկտն է կառուցել։

Սիրիայում մարդու իրավունքների մոնիթորինգի կենտրոնն իր հերթին հայտնում է, որ թուրքական բանակը Թել Աբյադում նոր ռազմաբազա է կառուցում, որտեղ արդեն բերվել են շինարարական մեքենենարը։