ՉԼ 2020-21 մրցաշրջանի խմբային փուլը կարող է մեկնարկել հոկտեմբերին

Ֆուտբոլի Չեմպիոնների լիգայի 2020/21 մրցաշրջանի խմբային փուլը կարող է մեկնարկել 2020 թվականի հոկտեմբերին:

Այս մասին գրում է Sport.es-ը: ՈւԵՖԱ-ում մտադիր են ՉԼ խմբային փուլի մեկնարկը տալ հոկտեմբերի 20-ին: Իսկ ահա հոկտեմբերի 22-ից էլ մեկնարկելու է Եվրոպայի լիգայի խմբային փուլի հանդիպումները:

Ավելի վաղ հայտնի էր դարձել, որ ՈւԵՖԱ-ն մտադիր է Չեմպիոնների լիգայի կիսաեզրափակիչներն անցկացնել օգոստոսի սկզբին, իսկ եզրափակիչը` ամսվա ավարտին` 29-ին: Եվրոպայի լիգայի եզրափակիչ հանդիպումը կարող է անցկացվել օգոստոսի 26-ին:

Կորոնավիրուսի պանդեմիայի պատճառով եվրոպական գրեթե բոլոր առաջնությունները դադարեցվեց մարտի 13-ից սկսած: Միայն Բելառուսի առաջնությունն է ընթացքի մեջ: